Արտագնա տուրիզմի ոլորտում կիրառվող հիմնական տերմիններն ու բացատրությունները

 

Տուրիզմի տեսակները

1.Ներքին տուրիզմ

Տեղացիների կողմից սեփական երկրի սահմաններում իրականացվող ճանապարհորդություն: Օրինակ՝ Երևանի բնակիչը հանգստանում է Սևանում:

2.Ներգնա տուրիզմ

Օտարերկրացիների այցերը տվյալ երկիր: Օրինակ՝ ֆրանսիացի զբոսաշրջիկները գալիս են Հայաստան:

3.Արտագնա տուրիզմ

Տեղացիների կողմից մեկ այլ երկիր այցելություն: Օրինակ՝ հայաստանցին մեկնում է Դուբայ:

Տուր մենեջերի գործառույթները

Հաճախորդներին խորհրդատվություն տալ ուղղությունների, փաթեթների և գնային տարբերակների մասին

Անհրաժեշտ փաստաթղթերի (վիզա, ապահովագրություն) ձևակերպում

Ավիատոմսերի և հյուրանոցների ամրագրում

Տրանսֆերների և էքսկուրսիաների կազմակերպում

Խնդիրների լուծում ճանապարհորդության ընթացքում

Հաճախորդի հետ կապի պահպանում նաև ճամփորդությունից հետո

Գործընկերների հետ աշխատանք

Կապ հաստատել և պահպանել միջազգային և տեղական գործընկերների հետ (տուր օպերատորներ, հյուրանոցներ, ավիաընկերություններ)

Գների և պայմանների շուրջ բանակցություններ վարել

Փաթեթների և ակցիաների մշակում

Գործընկերներից ստացված տեղեկատվության և առաջարկների մշտական թարմացում

Լավ տուր մենեջերի աշխատանքը դա հաճախորդի համար ապահով և անխոչընդոտ կերպով հանգստի կազմակերպում է, հաճախորդի պահանջների և նախընտրությունների հիման վրա:

Տուրիզմի հիմնական հասկացություններ

Տուր օպերատոր

Տուր օպերատորը այն ընկերությունն է, որը ստեղծում և ձևավորում է ամբողջական տուրիստական փաթեթներ՝ ներառելով տրանսպորտ, հյուրանոց, էքսկուրսիաներ և այլ ծառայություններ: Նրանք աշխատում են ուղղակիորեն ծառայությունների մատակարարների հետ և առաջարկում պատրաստի փաթեթներ տուր գործակալություններին կամ հաճախորդներին:

Տուր գործակալ

Տուր գործակալը միջնորդ ընկերություն կամ մասնագետ է, ով վաճառում է տուր օպերատորների ստեղծած փաթեթները և առանձին ծառայություններ: Գործակալը հաճախորդին խորհրդատվություն է տալիս, ընտրում է համապատասխան փաթեթ և կազմակերպում է ամրագրումները:

B2B (Business to Business)

Տուրիզմում B2B մոդելը նշանակում է բիզնեսների միջև համագործակցություն, օրինակ՝ տուր օպերատորի և տուր գործակալի կամ հյուրանոցի և տուրիստական ընկերության միջև: Այս մոդելը նպատակ ունի մեծածախ վաճառքի և գործընկերային ցանցերի զարգացման:

B2C (Business to Consumer)

B2C մոդելը վերաբերում է բիզնեսի և վերջնական սպառողի (տուրիստի) ուղղակի կապին: Օրինակ՝ տուր գործակալությունը կամ օպերատորը ուղղակիորեն վաճառում է փաթեթը հաճախորդին՝ առանց միջնորդի:

DMC (Destination Management Company)

DMC-ն տեղային ընկերություն է, որը մասնագիտացած է կոնկրետ ուղղության տուրիստական ծառայությունների կառավարման և կազմակերպման մեջ: Նրանք ապահովում են էքսկուրսիաներ, տրանսֆերներ, միջոցառումներ, տեղային ուղեկցորդներ և այլ ծառայություններ, որոնք նպաստում են ճանապարհորդության հարմարավետ և անվտանգ իրականացմանը: Տուր գործակալությունները և օպերատորները հաճախ համագործակցում են DMC-ների հետ, որպեսզի ապահովեն բարձրորակ տեղային սպասարկում:

Տուրիստական տերմիններ

Սնունդ

RO- Room Only- տեղակայում հյուրանոցում առանց սննդի

BB- միայն նախաճաշ

HB- half board- կիսապանսիոն նախաճաշ և ճաշ (կամ ընթրիք)

FB- full board- լրիվ պանսիոն նախաճաշ, ճաշ, ընթրիք

All inclusive- ամեն ինչ ներառված է- սննդի տեսակը և հյուրանոցի տրամադրած ծառայությունները, ուտեստներ և տեղական խմիչք (այդ թվում նաև ալկոհոլային), հյուրանոցի տարածքում գտնվող ծառայությունների մեծ մասը անվճար է

UAL- ultra all inclusive- նախաճաշ, ուշ նախաճաշ, ճաշ, լանչ, ընթրիք (շվեդական սեղան), քաղցրավենիք, տարատեսակ խորտիկներ, տեղական և արտասահմանյան խմիչքների լայն ընտրանի: Ultra all inclusive համակարգով աշխատող հյուրանոցների մեծ մասը առաջարկում են հյուրերին տարբեր խոհանոցներից սնունդ:

A la carte restaurant- ռեստորան, որտեղ կարելի է պատվիրել ճաշացանկի ցանկացած ուտեստ

Համարի դիրք, տեսարան

Balcony- համար պատշգամբով

Beach front- համարն անմիջապես ափի մոտ է

City view- դեպի քաղաք նայող համար

Garden view- դեպի այգի նայող համար

Inside view- հյուրանոցի ներս նայող համարներ

Land view- դեպի շրջակայք նայող համարներ

Mountain view- դեպի լեռները նայող համար

Ocean view- դեպի օվկիանոս նայող համար

Park view- դեպի այգի նայող համար

Pool view- դեպի լողավազան նայող համար

Sea view- դեպի ծով նայող տեսարան

Համարի տեսակը

Single- մեկտեղանի համար

Double- երկտեղանի համար 1 երկտեղանի անկողնով

Deluxe- գրեթե suite, բայց ավելի թանկարժեք սպասարկումով

Double bed- մեծ մահճակալ

Triple- 3 տեղանի համար

Twin- երկտեղանի համար 2 առանձին անկողնով

Extra bed- լրացուցիչ անկողին

Family room- ընտանեկան համար

King size bed- թագավորական անկողին

Queen size bed- երկտեղանի համար

Connected room- 2 կից համարներ

Corner room-  անկյունային համար

Cottage- քոթեջ

Studio- ստուդիա, 1 սենյականոց համար հարմարավետ խոհանոցով

Suite- առավել բարձր հարմարավետություն ունեցող համար

Bedroom- ննջարան

Bungalow- կառույց՝ հիմնական շինությունից առանձնացված, տնակ

Այլ տերմիններ

Check in- հյուրանոց մուտք գործելու գործընթաց

Check out- հյուրանոցից դուրս գալու գործընթաց

Person, Pax- մարդ, անձ

Child- մինչև 12 տարեկան երեխա

Diving- սուզում ջրի տակ

Executive- ավելի բարձր հարմարավետություն ունեցող համար

First floor- առաջին հարկ

Ground floor- նկուղային հարկ

Honeymoon room- համար նորապսակների համար

Honeymoon suite- լյուքս համար նորապսակների համար

Reception- ընդունարան

Residence- առանձին վիլլաներ

Room service- սպասարկում համարում (պատվերով սնունդ և խմիչք ռեստորանից)

Sitting area- տարածք հանգստի համար, համարում մի մաս, որտեղ դրվում են ժուրնալի սեղան, երբեմն նաև բազկաթոռ

SPA- գեղեցկության սրահ, առողջարանային կենտրոն

Standard room- ստանդարտ համար

Թռիչքների հետ կապված հիմնական տերմիններ

Ռեգիստրացիա

Գործընթաց, որի ընթացքում ուղևորները հաստատում են իրենց մասնակցությունը թռիչքին, ստանում են տոմսի հաստատում և նստատեղի քարտ: Կարող է իրականացվել օդանավակայանում կամ օնլայն:

Չարտերային թռիչք

Հատուկ պատվերով կազմակերպված թռիչք, որը սովորաբար չի ընդգրկվում ավիաընկերության կանոնավոր ժամանակացույցում: Օգտագործվում է խմբային տուրերի, սեզոնային պահանջարկի կամ հատուկ միջոցառումների համար:

Կանոնավոր թռիչք

Թռիչք, որը իրականացվում է ավիաընկերության հաստատված ժամանակացույցի համաձայն՝ կրկնվող և կանխատեսելի օրերին և ժամերին:

Օվերբուքինգ

Երբ ավիաընկերությունը վաճառում է ավելի շատ տոմս, քան ինքնաթիռում առկա նստատեղերի քանակը, կանխատեսելով, որ որոշ ուղևորներ չեն ժամանի: Սա կարող է բերել տեղերի պակասի թռիչքի օրը:

Տրանսֆեր

Ուղևորի տեղափոխում մեկ օդանավակայանից մյուսը կամ մեկ ինքնաթիռից մյուսը՝ միջանկյալ կանգառի ժամանակ:

Տրանզիտ

Երբ ուղևորը մեկ երկրի օդանավակայանում սպասում է հաջորդ թռիչքին՝ առանց մուտք գործելու տվյալ երկրի տարածք:

Լեյովեր

Միջանկյալ կանգառ, որը կարող է տևել մի քանի ժամից մինչև 1 օր՝ հաջորդ թռիչքին սպասելու համար: